dimanche 26 mai 2013

كرهت راجلي عاونوني اش ندير البنات ضروري الله يخليكم ؟

سلام الله عليكم … كنت كل مرة تانقرا و عمرني ماضنيت اني حتى انا غنكتاب و
ها لفرصة جات والحمد لله كاين بحال هد الموقع لي لواحد فينا تاتخراج لي عندها بكل صراحة …. نبدا ليكوم قصتي و نتمنى من لبنات لي باقين ولا على ابواب زواج يستافدوا من خطئي ….كيف تتعرفوا كل واحد فينا تاتزواج تاتفكر في شي حوايج قبل كالنسب و شخصية و لمادة و لجمال انا يا حبابتي تزواجت و معرفتش علاش تزواجت تزواجت ب سميت لحب و على قبل لحب باعت كولشي ولكن ماكتاشفت اني باعت كولشي و برخيص حتى دابا و مالي وعلق لفاس ف راس ..
هادي عامين ونص باش تزوجت عائلتي كلها رفضات ليا راجل مكاينش لي قالها فيه زوينة لي شافو
ilتيقول ليا ماشي ديالك وانا صممت وقلت لا الى كان الحب ماشي مشكل الفلوس ولا الطبع وللا النسب كل واحد كيتحاسب على نفسو وصممت وكنت فجنبو لدرجة حتى عائلتو كتقول ليا بعدي راه غادي يحشمنا معاك وانا لي ندخلو من هاد الودن نخرجو من التانية
ونشوف فيك ونقول العيد غدا المهم مشات الايام وجات وها انا في داري وفالغربة نحضية لا امي لا اختي غير سيدي ربي
محبوسة حتة نخرج للمارشي بوحدي تنقول في طاعة الله ربي غايجازيني محبوسة نخدم مع اني باك +4 محرومة ندير الصحابات ومن ابسط الحوايج وصابرة على قلة العقل وعلى الدل وعلى قلة المادة وكنقول بنات الناس خاصهم يصبرو مع رجلاتهم ايوة كتاب وحملت وملي حملت شفت الويل السيد لي كان كيحلف مايقلق خاطري ولا يجرحني ولا مكيكلفش راسو حتى يجي يل عليا في بيتي دوزت وحمي عداب تنبكي وندعي الله ياربي دير ليا فرج د الخير ومريضة وملي يجيو ولادو //عندو 3 ولادو// خصني نوض ونوجد ونقاد ومنهضر ودابا السيد ملي قربت نولد وشاف راسو راه تمكن بالصح

طاح ليا على شي صحابو كانو قدام ولا ديما عندهم وانا مليوحة بحال شي شاية فالدل ملي يكون معاهم الضحك والهضرة خاصو غير يدخل للدار ويغوبش ويشد البيسي ولا التلفاز وبحال الى مكاين حد ساكن معاه … تنكتب وكنبكي وانا لي سمحت في كولشي في خدمتي وحياتي وكنت لابس عليا وفي عائلتي وشريت العداوة مع كولشي على قبلو وخويت بلادي باش غير نعيش سعيدة ساعة بنادم مافيه تقة والعشرة هي تتوري بنادم على حقيقتو قسما بالله ماتزوجتو طمعا في شيحاجة اصلا ماعندو والو لا خدمة مرسمة تقافة لاشخصية

حتى علاقتو بدارهم قطعها حيت ماشي فامستوى وعوض لا يصحح لي فيهم شيحاجة خايبة كيفضل يهرب مع عزيزي وعقلو صغير وخاص غير لي يقول ليه شيحاجة يديرها فالحين هاد الايام معاشر واحد مطلق نهار كامل وهو معاه الراجل ولا زاحد اخر ملي بركت وناقشتو مالك افلان قال ليا انا وليت كنتفادى اي حاجة تعصبني ملي سولتو اش
يعصبك من جهتي اش تندير قول ليا باش نصحح راسي طلقاه تيدي ويجيب فالهضرة بلا فايدة عفاكم البنات لي دخلات تدعي معايا راني وصلت بيا حتى وليت كنتمنى الموت ليا ولي فكرشي

وحداري اي وحدة تمشي تقول راجلي حسن من دارنا مكاينش بحال عائلتنا انا دابا لا حمص لا 6 فرانك خوتي قاطعين كلامي تيقولو عليه ماشي راجل ونضت تخاصمت معاهم على ودو وكنت تندير هكا بنية وقلب كبير ناري يالبنات اللي بغات تزوج تشوي قلبها فالفران وتخدم عقلها راه مكاينش بحال داركوم انا ندمت وربي تيشوف الى انا اللي خايبة راه الباب متنفوتوش باش نشري راحة باليوبالو ساعة اللي مافيه الخير مافيه خير سمحولي طولت عليكم غير امانة دعيو معايا ربي يحفظكم من كل شر والسلام عليكم ..


للمزيد من وصفات جمال صقلي من هنا
للمزيد من الوصفات للبشرة من هنا
للمزيد من الوصفات للشعر من هنا

هل أعجبك الموضوع؟

يمكنك زيارة الموقع بسرعة عن طريق google فقط اكتب في مربع البحث : ana9ati