mercredi 23 avril 2014

سباكيتي بالخضر والطون بالصور

سباكيتي بالخضر والطون بالصور 


 
من الاخت نادية 

  

مقادير سباكيتي بالخضر والطون 
الجزر محكوك +الكرعة خضرا محكوكة +بصلة مقطعة+ثومة+الدنجال مقطع+شوية 
الربيع + ملح+ ابزار+حك الطون
طري
قة تحضير سباكيتي بالخضر والطون
نشحرو بصلة مع الزيت ملي تنزل نضيفو الجزر والكرعة والملح والابزارونخليوهم يطيبو 

 

 في الاخير نزيدو الربيع ونطفيونشحر التومة مع الدنجال ونخليوه يطيب يمكن نزيدو
شوية الماء ونغطيو عليه 

 

 ملي يطيب نضيفوه على الخليط الاول هو وحك الطون 
 

 نديرو السباكيتي في الماء طايب مع الزيت والملح 
 

 في الاخيرنخلطو كلشي مع السباكيتي 
 
 وهاهي سباكيتي بالخضر والطون واجدة
كتجي لذيذة بزاف بمذاق الدنجال 
 
بالصحة والراحة

عشاء خفيف

 عشاء خفيف


مقادير وطريقة تحضير عشاء خفيف بالصور 
 


 مقادير وطريقة عشاء خفيف 
للاخت ام العربي 
الشعرية السفة انا عملت كيلو لاروب هنا كنعمل ليها شوية الملح والزيت وندهنها مزيان ونعملها تفورانا كنفورها 3 مرات وكل مرة نرشها بالماء طايب
في كوكوط كنعمل 2 بصلات مشلضين+ الدجاج حسب الحاجة مرة نعمل العنيقات مرة نعمل قشيوشات الدجاج مرة نعمل الحمام وكل مرة ورزقو
3 مطيشات محكوكات+ م ك مطيشة الحك
الربيع مقطع
+السمن+ البزار+ الخرقوم بلدي مطحون+الملح+سكين جبير+الزيت وكنخلط هاد المكونات ونزيد الماء اللي غيطيب لينا الدجاج ونسد عليه بلا منشحرو او نقليوهم وغتشوفو بهاد الطريقة يجي الدجاج محمر زوين 


من بعد ميطيب الدجاج كنزول الدجاج ومعاه شوية من لاصوص نتاع البصلة باش نخضر الدجاج من الفوق ونمرق غير القياس لان الشعرية راها مفورة 3 المرات غير يغلى المرق ونرمي فيه الشعرية جهد 5 دقائق ونطفي البوطة ونقدمها مزينة بالدجاج وهديك لاصوص اللي خلينا 


هاهو عشاء خفيف واجد
mardi 22 avril 2014

طريقة تحضير عجينة اللوز لتزيين الحلويات بالصور

 طريقة تحضير عجينة اللوز لتزيين الحلويات بالصور


طريقة تحضير عجينة اللوز لتزيين الحلويات
عجينة اللوز لتزيين الطورطات بالصور
 
مقادير عجينة اللوز بالصور
 
زلافة لوز أبيض 
زلافة سكر ناعم
ملعقة صغيرة فانيليا 
سيرو :
 
1/2 كأس سكر 
1/2 كأس ماء
طريقة تحضير السيرو :
نضع الماء مع السكر على نار يغليو لمدة 1 دقيقة أو 2 
 
طريقة التحضيرعجينة اللوز بالصور
نطحن اللوز جيدا في طحانة 
 
نزيد زلافة سكر ناعم وفانيليا ثم نطحنهم مع بعض 
 
ونغربلهم باش يجي رطب 
 
نضيف لهم السيرو بشوية باش مايجيش جاري خلطي مزيان حتى تحصلي على عجينة طرية
 
 
 
 
ونحتفظ بعجينة اللوز حتى نريد استعمالها مع اضافة اللون المفضل 

خلطة طبيعية لازالة العرق

 خلطة طبيعية لازالة العرق




مكونات خلطة طبيعية لازالة العرق
 
 ملعقة صغيرة زيت اكليل الجبل (ازير)
ملعقة صغيرة زيت الزعتر
ملعقة صغيرة زيت الخزامى (او زيت النعناع)
2 ملاعق صغار شمع بلدي محكوك

طريقة تحضير خلطة طبيعية لازالة العرق
ندوبو الشمع على نار مهيلة ثم نضيف الزيوت و نحركو حتى تنسجم العناصر كيولي الخليط خاتر ثم نزولوه من فوق النار و منين يدفى شوية نديروه في علبة و نخليوه حتى يبرد و يجمد ثم نسدو العلبة و نخليوها مدة 3 ايام ثم نستعملوه
تدهن اماكن العرق فالصباح و فالليل
هذا المزيل طبيعي و له مفعول رائع 

حلوة سهلة واقتصادية ورائعة المذاق


 حلوة سهلة واقتصادية ورائعة المذاق



مقادير حلوة سهلة واقتصادية ورائعة المذاق
2 بيضات 

2 كيسان سنيدة
نصف كاس زيت
نصف كاس زبدة ديبة
نصف كاس ما دافي مدوبٍ فيه شويت لخميرة معجونة
معلقة صغيرة خميرة الحلوى
الدقيق حسب الخليط 

  
طريقة تحضير حلوة سهلة واقتصادية ورائعة المذاق

نخلطو جميع المقادير حتى نحصلو على عجينة مرخوفة شوية 

 

 ثم نديرو منها كويرات 
 

 ثم ندوزو عليهم لفورشيط من الفوق بطريقة دائرية كما في الصورة 


ندخلوهم للفران يطيبو نشعلو من لتحت هو الاول من بعد شوية عاد نشعلو حتى من لفوق 
وهاهي حلوة سهلة واقتصادية ورائعة المذاق واجدة

 
بالصحة والراحة
mardi 15 avril 2014

السفة بالروز بالدغميرة بنينة بالصور

 السفة بالروز بالدغميرة بنينة بالصور


السفة ديال الروز بالدغميرة
طريقة تحضير السفة ديال الروز بالدغميرة بالصور 
مقادير السفة بالروز بالدغميرة 
1/2 كيلو دجاج+ ضامة السمن+ ضويمة الزعفران+
سكين جبير+ الخرقوم+ البزار+ القرفة+ الملح+ زعفران+ المروزية ديال الدجاج
1ضرس الثوم+ بصلة الكمية لي غادي تكفى+ كأس زيت العود مخلط مع الزيت العادي
8 معالق سنيدة
طريقة تحضير السفة بالروز بالصور 
ممكن ديرو اللحم
كنديرو جميع المكونات ونخليوهم يتقلاو 


هنا كنمرقو الخليط بالماء ماشي بزاف غير شوية الجهد فاش يطيب الدجاج
ونسدو الكوكوط ونخليوها طيب 



ندوزو دابا للروز هادا روز مصري هنا أنا عندي 1كغ رطبتو فالماء مدة
1/2ساعة خليتو يستقطر من الماء ودرتو يفور 



مني تديريه يفور غطيه بلاستيك غذائي والغطاء ديال الطنجرة وخليه
يفور 20دقيقة 


كنخويوه فالبانيو ونخويو عليه مقراج ديال الماء طايب والملح 


ونخليوه 5 دقائق ونصفيوه فالكسكاس، وندهنوه بالزيت ونرديوه يفور 


منين يفور مزيان
كنحيدوه ونخويو عليه الزبده والسكر كلاصي 



منين يطيب الدجاج والمرق يختار
كنحيدو الدجاج ونزيدو سنيدة ونخليو المرق حتى يتعسل 


كنحطو الدجاج فوق الروز و كذلك الدغميرة 

  
 وهذا هو الشكل النهائي للسفة ديال الروز